«Облыстық психологиялық-медициналық-педагогикалық консультация» КММ Солтүстік Қазақстан облыстық әкімшілігі Білім басқармасының 1993 жылғы 5 мамырдағы № 71 бұйрығы негізінде құрылды. Облыстық психологиялық-медициналық-педагогикалық консультацияның алғашқы басшысы болып жоғары санатты орыс тілі мен әдебиеті мұғалімі, олигофренопедагог Нурсеитова Саулеш Акпашевна қызмет атқарды.

Бірінші меңгерушінің басшылығымен 23 жыл бойы мектепке дейінгі және орта білім беру ұйымдарында арнайы топтар мен сыныптар желісін кеңейту жұмыстары жүргізіліп, білікті маман-кәсіпқойлардың ұйымшыл ұжымы қалыптасты. ОПМПК мамандары оқытуда және дамуында қиындығы бар балаларды кешенді түрде тексеруді тұрақты негізде жүргізе бастады. Сонымен қатар, психологиялық-медициналық-педагогикалық консультациялардың (ПМПК) әлеуметтік қорғау, денсаулық сақтау құрылымдарымен және басқа да білім беру ұйымдарымен тығыз ведомствоаралық өзара іс-қимылы жолға қойылды.

Тәжірибелі ұстаз-логопед, көшбасшы-жетекші, педагог-зерттеуші Данилова Вероника Владимировнаның басшылығымен медициналық сүйемелдеу моделінен әлеуметтік-педагогикалық модельге көшу жүзеге асырылды. Бұл модель балалардың ерекше білім беру қажеттіліктерін анықтауға, сондай-ақ оларды оқыту мен дамыту үшін қажетті жағдайларды айқындауға бағытталған.

Оның басшылығымен мамандар ұжымын дамыту және нығайту жұмыстары жалғасып, кадрлық құрам кеңейді. Балаларға сапалы диагностика жасауды ғана емес, сонымен қатар ата-аналар мен педагогтерге тиімді кеңес беруді қамтамасыз ету мақсатында ПМПК мамандарының кәсіби біліктілігін арттыруға үлкен көңіл бөлінді. Қазақстан Республикасы Білім және ғылым министрінің 2016 жылғы 22 қаңтардағы «Мектепке дейінгі, орта білім беру ұйымдарын, сондай-ақ арнайы білім беру ұйымдарын жабдықтармен және жиһазбен жарақтандыру нормаларын бекіту туралы» № 70 бұйрығына сәйкес кабинеттердің материалдық-техникалық жарақтандыруы едәуір жақсартылды. Вероника Владимировна облыстық және республикалық деңгейдегі сараптамалық және аттестациялық топтардың әзірлеушісі әрі қатысушысы бола отырып, белсенді сараптамалық қызмет жүргізді.

«ОПМПК» КММ орналасқан мекенжайы – Петропавл қаласы, Пушкин көшесі, 103.