Секция жұмысына инклюзивті білім беруді дамыту мәселелеріне арналған іс-шараға ОПМПК меңгерушісінің міндетін атқарушы Мащенко Елена Николаевна және әдіскер Ебишева Ғалия Талғатқызы қатысты.

Секция жұмысы жоғары сараптамалық және әдістемелік деңгейде ұйымдастырылды. Ерекше білім беру қажеттіліктері (ЕБҚ) бар балаларды сүйемелдеуге кешенді тәсіл қолдану, пәнаралық өзара іс-қимыл және заманауи диагностикалық әрі түзету әдістемелерін енгізу мәселелеріне басты назар аударылды.

Қатысушылар жұмысты жетілдіруге бағытталған практикалық кейстерді, балаларға ерте көмек көрсету алгоритмдерін, сондай-ақ мамандардың, педагог-ассистенттердің және білім беру ұйымдарының тиімді өзара іс-қимылы мәселелерін талқылады.

Спикерлер кедергісіз орта құру, оқу бағдарламаларын бейімдеу және отбасыларға психологиялық қолдау көрсету бойынша озық тәжірибелерді ұсынды.

Секция алаңы сараптамалық бағалау және балаларды білім беру бағыты бойынша маршрутизациялау мәселелерін талқылауға мүмкіндік берген конструктивті кәсіби диалог алаңына айналды.

Секция жұмысына қатысу ПМПК қызметін одан әрі жетілдіру бойынша нақты бағдарлар айқындауға мүмкіндік берді. Алынған білім мен әдістемелік ұсынымдар әрбір бала үшін қолжетімді, сапалы және кедергісіз білім беруді қамтамасыз ету мақсатында практикалық қызметке енгізілетін болады.